Joriy yilning 21-dekabr kuni “Elektromagnit moslashuv markazi” davlat unitar korxonasi markaziy apparati bo‘lim va xizmatlari, Qoraqalpog‘iston Respublikasi va viloyatlar Elektromagnit moslashuv xizmatlari xodimlari uchun “ZOOM” ilovasi orqali o‘quv soati o‘tkazildi.
O‘quv soatida,
O‘zbekiston Respublikasi Raqamli texnologiyalar vazirligi Strategik rivojlantirish boshqarmasi bosh mutaxassisi S.O.Xakimjonov tomonidan O‘zbekiston Respublikasi Prezidentining ““O‘zbekiston-2030” Strategiyasi to‘g‘risida”gi Farmoni hamda “O‘zbekiston-2030” Strategiyasi 2023-yilda sifatli va o‘z vaqtida amalga oshirish chora-tadbirlari to‘g‘risida”gi Qarori ijrosi haqida tushuntirishlar berildi.
O‘quv soati davomida “EMMM” DUK boshliq o‘rinbosari A.X.Xashimxodjayev tomonidan 20-noyabrdan 15-dekabrga qadar Dubay shahrida o‘tkazilgan 2023-yilgi Butunjahon radioaloqa konferensiyasi haqida yakuniy natijalar yuzasidan ma’lumotlar berdi.
Shuningdek, Fuqaro muhofazasi 2-toifali muhandisi Sh.D.Normurodov tomonidan “Elektromagnit moslashuv markazi” davlat unitar korxonasining 2021-yil 20-sentabrdagi 241-son buyrug‘i bilan tasdiqlangan “Korxonada yong‘in xavfsizligi qoidalari” mazmun-mohiyati batafsil tushuntirildi.
Jamoatchilik va ommaviy axborot vositalari
bilan aloqalar mutaxassisi N.M.Obidova
