10-aprel – “O‘zbek tili bayrami kunini belgilash to‘g‘risida” O‘zbekiston Respublikasi Qonuni qabul qilingan kun munosabati bilan Viloyatlar Elektromagnit moslashuv xizmatlarida bir qator ma’naviy-ma’rifiy davra suhbatlari tashkil etildi.
Tadbirlar davomida o‘zbek tilining davlat tili sifatidagi o‘rni, uning jamiyat hayotidagi ahamiyati, milliy qadriyatlarimizni asrab-avaylashdagi beqiyos ro'li haqida atroflicha fikr-mulohazalar bildirildi. Tilimizning sofligini saqlash, uni yanada rivojlantirish va kundalik ish faoliyatida to‘g‘ri hamda samarali qo‘llash masalalariga alohida e’tibor qaratildi.
