Raqamli hukumat loyihalarini boshqarish markazi direktori Aziz Muxitdinov Yaponiyaning “Software Research Associates” kompaniyasi prezidenti Junji Hirata hamda “Soft Road Apps” kompaniyasi ijrochi direktori Masayuki Miyazaki bilan uchrashdi.
Muloqot avvalida tomonlar raqamlashtirish jarayonidagi o‘zgarishlar, erishilgan natijalar bo‘yicha o‘zaro fikr almashib, aloqalarni mustahkamlash yuzasidan hamkorlik qilish takliflarini bildirishdi.
Uchrashuvda, shuningdek, elektron xizmatlarni rivojlantirish hamda salohiyatli kadrlar tayyorlash borasida tajriba almashish masalalari muhokama qilindi.
