So‘nggi yillarda jismoniy va yuridik shaxslar tomonidan O‘zbekiston Respublikasi Vazirlar Maxkamasining 2020-yil 22-dekabrdagi “Radiochastota spektridan foydalanish sohasida ruxsat etish hamda radioelektron vositalar va yuqori chastotali qurilmalardan foydalanishni tartibga solish to‘g‘risida” gi 801-sonli Qaroriga binoan Farg‘ona viloyati hududida radioelektron vositalar va yuqori chastotali qurilmalarni sotish, o‘rnatish, xorijdan olib kirish hamda foydalanish tartibi to‘g‘risidagi Nizom talablariga rioya qilmaslik holatlari ko‘payib bormoqda. Ushbu holatlarni kamaytirish maqsadida Farg‘ona viloyati Davlat Xavfsizlik Xizmati Boshqarmasi, Farg‘ona viloyati Davlat Bojxona Boshqarmasi, Farg‘ona viloyati Ichki Ishlar Boshqarmasi, O‘zkomnazorat va Elektromagnit Moslashuv Xizmati tezkor xodimlari bilan hamkorlikda Qo‘qon shahar hududida tezkor tadbir o‘tkazildi. O‘tkazilgan tezkor tadbir davomida quyidagilar aniqlandi:
Farg‘ona viloyati Qo‘qon shahriga 70 ta qutida jami 140 dona ratsiya noqonuniy ravishda olib kirilgan bo‘lib, ushbu ratsiyalar Qo‘qon shahar, Lashkar ko‘chasi 29-uyda yashovchi 1987-yilda tug‘ilgan fuqaro N.A. tomonidan vakolatli organlardan tegishli ruxsatnoma olmasdan ushbu ratsiyalarni sotayotganligi aniqlangan.
O‘tkazilgan tezkor tadbir davomida aniqlangan barcha ratsiyalar musodara qilindi va qonunchilikda ko‘rsatilgan tartibda tegishli jazolar qo‘llanilishi uchun fuqaro N.A. ga nisbatan hujjatlar to‘plami sudga yuborildi. Qonunni bilmaslik jazodan ozod qilmaydi.
Tayyorladi: Farg‘ona viloyati EMMX 2-toifali muhandisi Sadixanov Sh.I.
