2025-yil 7-may kuni “Elektromagnit moslashuv markazi“ davlat unitar korxonasida O‘zbekiston Respublikasi axborot-kommunikatsiya texnologiyalari sohasi xodimlari kuniga bag‘ishlangan bayram tabrigi tashkil etildi.
Tadbirda korxona rahbariyati, bo‘lim va xizmat boshliqlari hamda xodimlar ishtirok etdi. Dastlab, korxona boshlig‘ining birinchi o‘rinbosari A.A. Kadirov ochib berdi. U o‘z so‘zida ushbu kasb bayrami munosabati bilan barcha xodimlarni samimiy muborakbod etar ekan, markazning joriy yildagi erishgan yutuqlari, olib borilayotgan texnologik modernizatsiya va inson resurslarini rivojlantirish borasidagi ishlarga alohida to‘xtaldi.
Shuningdek, boshliq o‘rinbosari A.X.Xashimxodjayev ham minbarga chiqib, zamonaviy axborot-kommunikatsiya tizimlarini yaratish va ularni davlat infratuzilmalariga joriy etishda korxona xodimlarining tutgan o‘rni yuksak ekanini ta’kidlab o‘tdi. U o‘z tabrigida markaz jamoasining fidokorona mehnatini yuqori baholab, bu kabi kasb bayramlari har bir mutaxassis uchun g‘urur va faxr manbai bo‘lishi lozimligini ta’kidladi.
Axborot-kommunikatsiya texnologiyalari sohasining istiqboli keng bo‘lib, unda faoliyat yuritayotgan har bir xodim yurt taraqqiyotiga hissa qo‘shib kelmoqda.
