Mobil aloqa operatori “O‘zbektelekom” AK “O‘zmobayl” filialiga tegishli Toshkent shahri, Bog‘ishamol ko‘chasi, 232A-uyda o‘rnatilgan CDMA-450 standartida ishlovchi TSH-1132 tayanch stansiyasiga tashqi radioxalaqit tufayli mobil aloqa sifati buzulganligi yuzasidan qilingan murojaatiga asosan, joriy yilning sentabr oyida RNvaTRX mutaxassislari tomonidan radiomonitoring tadbirlari amalga oshirildi.
Olib borilgan monitoring natijasiga ko‘ra, Toshkent viloyatining Yuqorichirchiq tumani, Istiqlol mahallasi hududida joylashgan “YOU HE DEVELOPMENT” MChJ korxonasiga tegishli bo‘lgan, yer sathining tekisligi va aniq nuqtani o‘lchaydigan, 455.250 MHz shastotada ishlovchi “DL-8” rusumli radioelektron vositasidan “EMMM” DUKning ruxsatnomasiz noqonuniy ravishda foydalanib, salbiy radioxalaqit berayotganligi ma’lum bo‘lgan.
Aniqlangan qoidabuzarlik yuzasidan tegishli hujjatlar Raqamli texnologiyalar vazirligi huzuridagi axborotlashtirish va telekommunikatsiyalar sohasida nazorat bo‘yicha davlat inspeksiyasiga ma’muriy chora ko‘rish uchun yuborildi va radioxalaqit bartaraf etildi.
Tayyorladi: “RNvaTRX” 1-toifali muhandisi Y.Kuryazov
