Joriy yilning 26-noyabr kuni “EMMM” DUKda Yoshlarning o‘zini o‘zi rivojlantirish va ularda kuchli motivatsiya uyg‘otish, shuningdek, xodimlarda — ayniqsa yoshlarda OAV va internet tarmoqlaridan samarali foydalanish madaniyatini oshirish, ularda g‘oyaviy va axborot xurujlariga qarshi mafkuraviy immunitetni shakllantirish maqsadida ma’naviy-ma’rifiy davra suhbati tashkil etildi.
Mazkur ma’rifiy tadbirda “Elektromagnit moslashuv markazi” davlat unitar korxonasining markaziy apparat xodimlari, shuningdek, Qoraqalpog‘iston Respublikasi hamda barcha viloyatlar Elektromagnit moslashuv xizmatlari faol ishtirok etishdi.
Tadbirga Din ishlari bo‘yicha qo‘mita raisining maslahatchisi, “Shuhrat” medali sohibi Ilhom Ma’rupov tashrif buyurib, ishtirokchilar bilan ochiq muloqot o‘tkazdi. U yoshlarning dunyoqarashini kengaytirish, internetda uchraydigan turli zararli axborotlarga nisbatan hushyor bo‘lish, shuningdek, zamonaviy bilim va ko‘nikmalarni egallashning ahamiyati borasida fikr-mulohazalar bildirdi.
Tadbir davomida hozirgi globallashuv jarayonida axborot maydonida yuzaga kelayotgan g‘oyaviy va axborot xurujlari haqida batafsil ma’lumot berildi.
Davra suhbati yakunida xodimlar o‘zlarini qiziqtirgan savollar bilan murojaat qilishdi va ularga batafsil javoblar berildi.
