Yurtimizda ehtiyojmand kishilarga yordam berish, nogiron va bemorlarning holidan xabar olish, ko‘ngli yarimga madad berish xalqimizga xos bag‘rikenglik, mehr-oqibatlilikning yorqin ko‘rinishidir. Ana shunday an’analarimiz, qadriyatlarimiz yildan-yilga mustahkamlanib bormoqda.
Joriy yilning 2-aprel kuni “EMMM” DUKning Yoshlar ittifoqi boshlang‘ich tashkiloti tomonidan “Kam ta’minlangan, nogiron, boquvchisini yo‘qotgan, yordamga muhtoj yoshlarni aniqlash, qo‘llab-quvvatlash va ularga imkon qadar ko‘maklashish” tadbiri amalga oshirildi.
Tadbir doirasida Toshkent shahar, Yashnobod tumani, Ma'rifat MFY, Farg‘ona yo‘li 15/9/11-uyda istiqomat qiluvchi Choriyev Umidjon Elomonovichga yakka yolg‘iz yashovchi, og‘ir kasallikka chalingan va ijtimoiy himoyaga muhtojligi boisidan zarur oziq-ovqat mahsulotlari taqdim etildi.
