Dasturiy mahsulotlar va axborot texnologiyalari texnologik parkda (IT Park) Turk kengashi bilan uchrashuv boʻlib oʻtdi.
Uchrashuv doirasida o‘zaro manfaatli hamkorlik, shu jumladan, hamkor davlatlarda raqamlashtirish jarayonlarni jaddalashtirish dasturini ishlab chiqish va Turkiy Kengashga a’zo davlatlarining raqobatbardoshligini kuchaytirish boʻyicha masalalar muhokama qilindi.
Tomonlar mahalliy IT kompaniyalarining Turkiy Kengash hududida faoliyatlarini kengaytirishga va Kengash a’zo mamlakatlari bozorida mahalliy kompaniyalar to‘g‘risida biznes xabardorlikni oshirishga kelishib oldilar.
Uchrashuv yakunida tomonlar hamkorlikda ishlash, shuningdek yosh avlodning IT salohiyatini yaxshilash maqsadida IT Parkning ta’lim jarayonlarini takomillashtirishga kelishib oldilar. Turkiy Kengashi rahbariyati IT Park rezidentlariga xalqaro kompaniyalardan buyurtma olishiga koʻmak berishga tayyorligini bildirdi.
Manba: Axborot xizmati
