Наманган вилояти Электромагнит мослашув хизмати томонидан 2021 йил 5 апрель куни “Электромагнит мослашув маркази” давлат унитар корхонасида манфаатлар тўқнашуви ва коррупцияга қарши курашиш бўйича 2021 йилларга мўлжалланган чора-тадбирлар режаси”га ва маънавий-маърифий ишлар режасига асосан, “Электрон ҳукуматнинг коррупцияга қарши курашишдаги ўрни” мавзусида ўқув семинари ташкил этилди.
Семинардан кўзланган асосий мақсад, электрон ҳукуматнинг коррупцияга қарши курашдаги вазифасини чуқурроқ ёритиш. Коррупция ва манфаатлар тўқнашувини телевидение, ижтимоий тармоқларда қолаверса, огоҳликка чақирувчи баннерлар орқали ҳам ушбу жамиятда маълум даражада илдиз отган иллатни салбий оқибатларидан инсонларни огоҳликка чақирувчи куч сифатида фойдаланиш мақсадга мувофиқ бўлади.
Коррупция - шахснинг ўз мансаб ёки хизмат мавқеидан шахсий манфаатларини ёхуд ўзга шахсларнинг манфаатларини кўзлаб моддий ёки номоддий наф олиш мақсадида қонунга хилоф равишда фойдаланиши, худди шунингдек бундай нафни қонунга хилоф равишда тақдим этишдир.
Шундай экан, оммавий ахборот воситалари, интернет-ресурсларида, ижтимоий тармоқларда кенг кўламдаги ахборот-тарғибот ишларини ташкил этиш чора-тадбирларини доимий асосда амалга ошириб, уларда давлат органлари, жамоатчилик вакилларининг чиқишлари, коррупцияга қарши курашиш масалалари бўйича брифинглар ташкил этиш ҳам жуда катта ижобий натижа беради.
Давра қатнашчилари ўртасида ўзаро фикр алмашиб, коррупцияга оид жиноий хуқуқ бузарликлар аниқланганда суд томонидан кўриладиган жазо чораларини кучайтирилса бу иллатни илдизи қуришига ижобий таъсир қилиши таъкидлаб ўтилди.
Ўқув семинари ходимлар ўртасида баҳс ва мунозараларга бой тарзда ўтказилди.
Наманган вилояти ЭММХ
1-тоифали радиооператори О.Турсунов
