Latviya kompaniyalariga uchinchi mamlakatlarga eksport hajmini oshirish uchun birgalikda ishlash taklif etildi

Axborot texnologiyalari va kommunikatsiyalarini rivojlantirish vaziri Sherzod Shermatov Latviya Respublikasining O‘zbekistondagi Favqulodda va Muxtor Elchisi Reynis Troksha boshchiligidagi Latviya IT-kompaniyalari vakillari bilan uchrashuv o‘tkazdi. Uchrashuvda hamkorlikning istiqbolli yo‘nalishlari, jumladan, ta’lim va IT-tadbirkorlik sohasida qo‘shma loyihalarni amalga oshirish masalalari muhokama qilindi. Yig‘ilishda ta’kidlanganidek, bugungi kunda O‘zbekistonda axborot-kommunikatsiya texnologiyalarini rivojlantirishga jiddiy e’tibor qaratilmoqda. Davlatimiz rahbari 14-aprel kuni O‘zbekiston Respublikasi Prezidenti huzurida axborot texnologiyalari sohasida erishilgan natijalar va 2022-yilga mo‘ljallangan vazifalarga bag‘ishlangan yig‘ilish doirasida O‘zbekistonni hududiy IT-markazga aylantirish vazifasini qo‘ygan edi. BPO (biznes jarayonlari autsorsingi) va KPO (biznes jarayonlari autsorsingi) xizmatlarini rivojlantirish loyihalarini amalga oshirishda hamkorlikni kuchaytirishga alohida e’tibor qaratildi. Bugungi kunda O‘zbekistonda xorijiy IT-kompaniyalar va rezidentlar uchun barcha sharoit yaratilgan. Masalan, IT Park rezidenti bo‘lgan xorijiy IT-kompaniyalarga infratuzilma va soliq imtiyozlari taqdim etilgan. Xorijiy IT-mutaxassislar va ularning oila aʼzolari uchun vizalar olishning soddalashtirilgan “IT Visa” tizimi joriy etildi. Tomonlar hamkorlikni rivojlantirish uchun yuqori salohiyat mavjudligini qayd etib, axborot texnologiyalari sohasida sheriklikni rivojlantirish uchun barcha sa’y-harakatlarni safarbar etishga tayyor ekanliklarini bildirdilar.