Бухоро вилояти Электромагнит мослашув хизмати иш фаолиятини Ўзбекистон Республикаси Вазирлар Маҳкамаси Қарорлари, Ўзбекистон Республикаси Ахборот технологиялари ва коммуникацияларини ривожлантириш вазирлигининг ҳамда Электромагнит мослашув маркази ДУКнинг буйруқлари, фармойишлари, шунингдек 2017 йил йиллик ва ойлик иш режалари асосида олиб боради.
Бухоро вилояти электромагнит мослашув хизмати ходимларининг техник даражаларини ва малакаларини такомиллаштириш мақсадида тасдиқланган режага асосан доимий равишда қонунчилик, меъёрий ҳужжатлар ва алоқа назарияси бўйича техник ва амалий машғулотлар ўтказилиб келинмоқда.
Ҳар ойда Бухоро радионазорат пункти, мобил станция ҳамда тезкор қидирув муҳандисининг ойлик иш режалари тузилиб, ушбу режалар бўйича ишлар амалга оширилиб келинмоқда.
Тасдиқланган ойлик режаларга асосан Бухоро вилояти рўйхатига олинган барча радиоэлектрон воситалар, радиоузаткич ва телеузаткичларнинг техник кўрсаткичлари доимий радионазорат пунктида ва мобил станцияда назорат қилиб келинмоқда.
2017 йилнинг биринчи ярим йиллиги мобайнида радиохалақит манбаларини аниқлаш ва бартараф этиш бўйича ўрганиш ишлари олиб борилди. Шулардан 5 та талабнома Бухоро вилояти электромагнит мослашув хизматига келиб тушди ва ушбу 5 та радиохалақит тўғрисидаги талабномалар ўз муддатида кўриб чиқилди.
Ноқонуний фойдаланилаётган радиоэлектрон воситаларни аниқлаш ва уларга тегишли чоралар кўриш бўйича ҳуқуқтартибот идоралари билан ҳамкорликда ишлаш яхши йўлга қўйилган. 2017 йилнинг биринчи ярим йиллиги давомида 43 та тадбир ўтказилди ва ўтказилган тадбирлар давомида 17 та радиоэлектрон воситалар аниқланди. Шундан 12 таси фойдаланиш учун рухсатномалар олди, 5 таси вақтинча олиб қўйилди.
Аҳоли ўртасида тушунтириш-профилактика ишлари ўтказиш мақсадида радиоэлектрон воситаларни олиб кириш, тарқатиш, рўйхатга олиш, фойдаланиш ва телекўрсатувларни ва радиоэшиттиришларни қабул қилишда, ҳамда радиоалоқага содир бўлаётган радиохалақитларни бартараф этиш ҳақида маҳаллий телевидения орқали эълонлар бериб келинмоқда.
Бухоро вилояти ЭММХ 1 тоифали муҳандиси - Одилов Р.Ю.
