Joriy yilning 6-aprel kuni Jizzax viloyati Elektromagnit moslashuv xizmatida 10-aprel — “O‘zbek tili bayrami kunini belgilash to‘g‘risida”gi O‘zbekiston Respublikasi Qonuni qabul qilingan sana munosabati bilan davra suhbati bo‘lib o‘tdi.
Tadbirda Jizzax davlat pedagogika universiteti O‘zbek tilini o‘qitish metodikasi kafedrasi katta o‘qituvchisi Sh.A. Xoldorova ishtirok etdi. U o‘z nutqida o‘zbek tilining davlat tili sifatidagi maqomi, uning jamiyat taraqqiyotidagi o‘rni va bugungi kunda tilga bo‘lgan e’tiborni yanada kuchaytirish masalalariga alohida to‘xtalib o‘tdi.
Davra suhbati davomida ishtirokchilarga davlat tili to‘g‘risidagi qonunning mazmun-mohiyati, uning qabul qilinishi tarixi va ahamiyati haqida tushunchalar berildi. Shu bilan birga, yosh avlodni ona tiliga hurmat ruhida tarbiyalash, uning sofligi va boyligini saqlash har birimizning burchimiz ekani ta’kidlandi.
Tadbir interaktiv ruhda o‘tkazilib, ishtirokchilar o‘z fikr-mulohazalarini bildirishdi, mavzu yuzasidan savollar berib, mutaxassisdan batafsil javoblar olishdi. Bu esa davra suhbatining yanada mazmunli va samarali o‘tishiga xizmat qildi.
Jizzax viloyati EMMX 2-toifali tarmoq muhandisi X.A.Israilov
