Joriy yilning 14-dekabr kuni “Elektromagnit moslashuv markazi” davlat unitar korxonasi markaziy apparati bo‘lim va xizmatlari, Qoraqalpog‘iston Respublikasi va viloyatlar Elektromagnit moslashuv xizmatlari xodimlari uchun “ZOOM” ilovasi orqali o‘quv soati o‘tkazildi.
Mazkur o‘quv soatida, Portfolio investment direktori(anderrayter) M.Yakubov va JETT dasturi direktori T.Mirzakulov tomonidan O‘zbekiston Respublikasi Prezidentining “2022-2023-yillarda axborot-kommunikatsiya texnologiyalari sohasini yangi bosqichga olib chiqish chora-tadbirlari to‘g‘risida” 2022-yil 22-avgustdagi PQ-357-son Qaroriga asosan “O‘zbektelekom” AK ustav fondining 2 foizi miqdorida qo‘shimcha oddiy aksiyalarni ommaviy joylashtirish (IPO) to‘g‘risida tushuntirishlar berildi.
