Buxoro viloyati hududida faoliyat yuritib kelayotgan mobil aloqa operatorlari tomonidan Buxoro viloyati Elektromagnit moslashuv xizmatiga radioxlaqitlarni bartarf etish bo‘yicha kelib tushgan buyurtmalariga asosan Buxoro viloyati hududida radiomonitoring tadbirlari amalga oshirildi. O‘tkazilgan radiomonitoring tadbirlari davomida Buxoro viloyati hududidagi tashkilotlar va fuqarolar tomonidan foydalanib kelinayotgan mobil aloqa tarmoqlari signallarini kuchaytirib beruvchi retranslyator qurilmalari mobil aloqa tayanch stansiyalariga salbiy radioxalaqitlar sodir etayotganligi aniqlandi. Ushbu mobil aloqa tarmoqlari signallarini kuchaytirib beruvchi retranslyator qurilmalari egalariga salbiy radioxalaqitlarni bartaraf etish bo‘yicha ogohlantirish xatlari berilishiga qaramasdan ulardan foydalanib kelayotgan tashkilot va fuqarolarga tegishli choralar ko‘rish maqsadida O‘zkomnazorat inspeksiyasi Buxoro viloyati hududiy sho‘basiga hujjatlar taqdim etildi.
Joriy yilning may oyida O‘zkomnazorat inspeksiyasi Buxoro viloyati hududiy sho‘basi, Buxoro viloyati Elektromagnit moslashuv xizmati va Buxoro viloyati IIB xodimlari bilan hamkorlikda noqonuniy ravishda foydalanilayotgan radioelektron vositalar va yuqori chastotali qurilmalarni aniqlash va faoliyatini to‘xtatish maqsadida Buxoro viloyati, G‘ijduvon tumanida radiomonitoring tadbirlari olib borildi. Radiomonitoring tadbiri davomida mobil aloqa tarmoqlari signallarini kuchaytiruvchi retranslyator(repeater) qurilmasi mobil aloqa operatorlarining tayanch stansiyalari ishlashiga radioxalaqit berayotganligi aniqlandi va faoliyatiga chek qo‘yildi.
Radiochastotalar bo‘yicha Respublika Kengashining 2022-yil 23-avgustdagi 707-sonli qaroriga muvofiq texnik shartlarga mos kelmaydigan boshqa mobil aloqa tarmoqlari signallarini kuchaytirib beruvchi retranslyator qurilmalarini O‘zbekiston Respublikasi hududida ishlab chiqish, modernizatsiya qilish, ishlab chiqarish, xorijdan olib kirish va ulardan foydalanish qat’iyan man qilinadi.
Retranslyator qurilmalaridan foydalanuvchilar o‘zlari tomonidan foydalanilayotgan qurilmalardan, mobil aloqa operatorlari tarmoqlariga radioxalaqit hosil bo‘lishini oldini olish uchun barcha zarur bo‘lgan tashkiliy-texnik choralar ko‘rishlari kerak.
Buxoro viloyati EMMX 1-toifali muhandisi R.Odilov
