2023-yil 19-20-iyun kunlari “EMMM” DUK radionazorat va texnik rivojlanish xizmati yetakchi muhandislari A.A.Ismoilov va T.M.Hidoyatovlar tomonidan Xorazm viloyati Elektromagnit moslashuv xizmatida o‘quv mashg‘ulotlari o‘tkazildi.
Muhandis-texnik xodimlar radiochastota spektri monitoringini va elektromagnit moslashuvni ta’minlashda nazoratni amalga oshirish bo‘yicha ko‘nikmalarga ega bo‘ldilar. Shunungdek, muhandis-texnik xodimlar radiochastota spektridan foydalanishda dunyo tajribasini o‘rganish, elektromagnit moslashuv muammolarini bartaraf etish usullari bilan tanishdilar.
Industrial radioxalaqitlarni o‘lchash usullari, radioxalaqitlar hamda ularni izlab topish bo‘yicha ham o‘quv va amaliy mashg‘ulotlar o‘tkazildi.
Radionazorat punktida faoliyat yurituvchi radiooperatorlarning kasb mahoratini oshirish bo‘yicha A.A.Ismoilov tomonidan mahorat darslari o‘tkazildi.
O‘quv mashg‘ulotlari yakunida xodimlarning bilim va ko‘nikmalarini baholash uchun test sinovlari o‘tkazildi va baholandi.