Joriy yilning 14-may kuni Yoshlar kuni munosabati bilan Elektromagnit moslashuv markaziga Toshkent shahridagi Amity universiteti talabalari tashrif buyurdi.
Tashrif davomida talabalarga markaz faoliyati, zamonaviy radioelektron qurilmalar hamda elektromagnit moslashuv yo‘nalishida olib borilayotgan ishlar haqida batafsil ma’lumot berildi.
Shuningdek, talabalar markazdagi texnik imkoniyatlar, radiomonitoring jarayonlari va maxsus uskunalar bilan yaqindan tanishdilar. Uchrashuv davomida yoshlarni ilm-fan va innovatsion texnologiyalarga qiziqtirish, ularning kasbiy bilim va ko‘nikmalarini oshirish masalalariga alohida e’tibor qaratildi.
Mazkur tashrif talabalarda soha faoliyati haqida yanada kengroq tasavvur hosil qilish bilan birga, kelajakdagi kasbiy faoliyatlari uchun muhim tajriba vazifasini o‘tadi.
