2023-yil 26-may kuni Qozog‘iston Respublikasining Olma-ota shahrida radiochastota spektri va sun’iy yo‘ldosh orbitalaridan foydalanishni tartibga solish bo‘yicha ASHH komissiyasining 23-yig‘ilishi va uning ishchi organlarining navbatdagi yig‘ilishlari o‘z ishini yakunladi.
Yig‘ilish RChS va YO bo‘yicha ASHH qo‘mitasi raisi Butenko Valeriy Vladimirovich tomonidan olib borildi.
Yig‘ilish Armaniston Respublikasi, Belarus Respublikasi, Qozog‘iston Respublikasi, Qirg‘iziston Respublikasi, Rossiya Federatsiyasi, O‘zbekiston Respublikasi aloqa ma’muriyatlarining 88 nafar vakili, shuningdek, XEI, 1-tuman xalqaro havaskor radio uyushmasi (IARU-r1), Inmarsat va RSC Ijroiya qo‘mitasi vakillari ishtirok etdi.
Yig‘ilishda RChS va YO bo‘yicha ASHH qo‘mitasi raisi va rais o‘rinbosarlarini keyingi muddatga qayta saylash masalasini ko‘rib chiqildi. Rossiya Federatsiyasi taklifiga binoan komissiya Butenko Valeriy Vladimirovichni 2024-2026 yillar davomida komissiya raisi lavozimiga bir ovozdan qayta sayladi va ushbu qarorni ASHH qo‘mitasi rahbarlarining navbatdagi Kengashini tasdiqlash uchun taqdim etdi.
ASHH komissiyasi majlisida radioaloqa va eshittirishning dolzarb masalalari, shuningdek komissiya ishchi organlarining hisobotlari ko‘rib chiqildi. BRK-23 kun tartibining kelishilgan bandlari bo‘yicha ASHH mamlakatlarining umumiy takliflari ko‘rib chiqildi va tasdiqlandi.
