Samarqand shahrida yangi BPO-markazi rasman ochildi

27-oktabr kuni Samarqand shahrida “Prime Samarkand” deb nomlangan navbatdagi BPO-markazining rasmiy ochilish marosimi bo‘lib o‘tdi. Tadbirda AKT vaziri Sherzod Shermatov va Samarqand viloyati hokimi Erkinjon Turdimov ishtirok etdi. BPO-markazini tashkil etishdan maqsad — yoshlar uchun ish o‘rinlarini yaratish, xorijiy buyurtmachi kompaniyalar bilan hamkorlikni mustahkamlash, kelgusida O‘zbekistonni mintaqaviy IT xabga aylanishida o‘z hissasini qo‘sha oladigan yuqori darajadagi IT mutaxassislarni yetishtirish va bu orqali O‘zbekistondagi inson kapitalini rivojlantirish. Markaz rahbarlari bilan uchrashuv davomida kelajakdagi aniq rejalar borasida mavjud bir qancha masala va takliflar muhokama qilindi. Mazkur BPO-markazi, Axborot texnologiyalari va kommunikatsiyalarini rivojlantirish vazirligi, IT Park, Iqtisodiy taraqqiyot va kambag‘allikni qisqartirish vazirligi hamda BMT Taraqqiyot dasturi (UNDP) ko‘magida ochildi.