2023-yil 13-iyun kuni Surxondaryo viloyati EMMXda korrupsiyaga qarshi kurashishga bag‘ishlangan davra suhbati o‘tkazildi. Davra suhbatida Surxondaryo viloyati Adliya Boshqarmasi bosh maslahatchisi Ulug‘ov Quvondiq tomonidan korrupsiyaga qarshi kurashishda davlatimizda amalga oshirilayotgan ishlar haqida aytib o‘tildi.
Mazkur davra suhbatida xodimlarga korrupsiya tushunchasi, korrupsiyaga qarshi kurashish doirasida davlat siyosatining asosiy yo‘nalishlari va uning bugungi kundagi o‘rni haqidagi masalalar yoritib berildi.
Tadbirda ta’kidlanganidek, mamlakatimizda tamagirlik, poraxo‘rlik, xizmat va mansab vakolati doirasidan chetga chiqish kabi salbiy holatlarga yo‘l qo‘ymaslik davlat siyosatining ustuvor yo‘nalishlaridan biri ekanligi hamda korrupsiya har qanday davlat va jamiyatning siyosiy-iqtisodiy rivojlanishiga jiddiy putur yеtkazadigan, davlatning konstitutsiyaviy asoslarini va qonun ustuvorligini zaiflashtiradigan, inson huquq va erkinliklarining poymol bo‘lishiga olib keladigan illat ekanligi aytildi.
Davra suhbati yakunida xodimlar korrupsiya mavzusida o‘z savollariga mutaxassis tomonidan javoblar olishdi va korrupsiyaga qarshi kurashish bo‘yicha zarur bilim va ko‘nikmalarga ega bo‘ldilar.
Surxondaryo viloyati Elektromagnit moslashuv xizmati
2-toifali tarmoq muhandisi Islamov J.