7 may - O‘zbekiston Respublikasi axborot-kommunikatsiya texnologiyalari sohasi xodimlari kunimunosabati bilan raqamlashtirish, axborot texnologiyalari va kommunikatsiyalari sohasining yuqori darajada yuksalishi hamda ravnaqi yo‘lida faoliyat yuritayotgan, sohaning rivojlanishiga o‘zlarining salmoqli hissalarini qo‘shib kelayotgan bir guruh soha xodimlarini taqdirlash marosimi bo‘lib o‘tdi.
Ushbu taqdirlash marosimida AKT sohasining yuksalishi hamda ravnaqi yo‘lida xizmat qilayotgan, sohaning rivojlanishiga o‘zlarining salmoqli hissalarini qo‘shib kelayotgan, Raqamli texnologiyalar vazirligi tizimida faoliyat yuritayotgan kompaniya va jamiyatlar, korxona va tashkilotlar, shuningdek, sohadagi xorijiy va xususiy korxonalari rahbar-xodimlari va mutaxassislari “Mohir aloqachi” ko‘krak nishoni, “Faxriy yorliq” va “O‘z kasbining ustasi” belgisi bilan taqdirlandilar.
Taqdirlash marosimida Raqamli texnologiyalar vaziriligi rahbariyati, vazirlik hamda hududiy boshqarmalar, viloyatdagi tizim tashkilot va korxonalarda faoliyat olib borayotgan xodimlarni ushbu sana bilan qutlab, ularning keyingi ishlarida muvaffaqiyatlar tiladi.
Mazkur tadbirda, “EMMM” DUK Transport va logistika bo‘limi haydovchisi S.X. Yusupov - “O‘z kasbining ustasi” belgisi bilan, “EMMM“ DUK Kadrlarni tayyorlash bo‘yicha yetakchi muhandisi A.N. Yeritsyan - “Faxriy yorliq“ bilan taqdirlandilar.
Korxonamiz xodimlarini unvonlar bilan tabriklaymiz!