Joriy yilning 11-oktabr kuni Farg‘ona viloyati Elektromagnit moslashuv xizmati xodimlari uchun Farg‘ona viloyati Qo‘qon shahrining tarixiy me’moriy obidasi – Qo‘qon xoni Xudoyorxon o‘rdasi hamda Farg‘ona viloyati Farg‘ona shahridagi “O‘lkashunoslik” muzeyiga ekskursiya tashkil qilindi.
Ekskursiya davomida Xudoyorxon o‘rdasining me’moriy tuzilishi, Qo‘qon xonligining tarixiy ahamiyati va unda saqlanayotgan eksponatlar bilan yaqindan tanishildi. Shuningdek, Farg‘ona viloyatidagi “O‘lkashunoslik” muzeyida saqlanayotgan noyob tarixiy eksponatlar, arxeologik topilmalar, milliy hunarmandchilik namunalari hamda Farg‘ona viloyatiga oid boy madaniy meros haqida keng qamrovli ma’lumotlar olindi.
Tayyorladi: Farg‘ona viloyati EMMX 2-toifali tarmoq muhandisi D.B.Alimdjanov
