O‘zbekiston Respublikasi Raqamli texnologiyalar vazirligining Qoraqalpog‘iston Respublikasi Hududiy sho‘basi, Muhammad al‑Xorazmiy nomidagi Toshkent axborot texnologiyalari universiteti Nukus filialida soha korxona tashkilotlari tomonidan talabalarga o‘quv seminarlar tashkil qilish bo‘yicha chora-tadbirlar rejasi tasdiqlangan.
Ushbu rejaga muvofiq joriy yilning 10-oktabr kuni Qoraqalpog‘iston Respublikasi Elektromagnit moslashuv xizmatining mutaxassislari N.Narimov va A.Shimbergenovlar tomonidan filial talabalariga “Milliy radiomonitoring tizimi” mavzusida o‘quv-seminar o‘tkazildi.
O‘quv-seminarda “Telekommunikatsiya texnologiyalari va kasbiy ta’lim” fakulteti dekani, PhD, B.Fayzullayev, dekan o‘rinbosari U.Turumbetov va filialning 2-kurs talabalari qatnashdi.
Seminar o‘zaro muloqot shaklida tashkil qilindi va talabalarning mavzu va faoliyatimiz bo‘yicha qiziqtirgan savollariga batafsil javoblar berildi.
Qoraqalpog‘iston Respublikasi EMMX 1-toifali muhandisi N.Narimov
