O‘zbekiston Respublikasi Vazirlar Mahkamasining 2020-yil 22-dekabrdagi 801-sonli Qarori ijrosini ta’minlash maqsadida, Toshkent shahar Mirobod tumani 3-son IIB HPB xodimlari “Elektromagnit moslashuv markazi” davlat unitar korxonasi mutaxassislari bilan hamkorlikda joriy yilning avgust oyida Toshkent shahar Farg‘ona yo‘li ko‘chasi 50-uyda joylashgan “O‘z Makon” turar joy majmuasida tezkor tadbir o‘tkazildi.
O‘tkazilgan tezkor tadbir davomida fuqaro F.Saxipov tomonidan 4 dona Baofeng rusumli radioelektron vositalaridan radiochastota organining tegishli ruxsatnomalarisiz noqonuniy foydalanayotganligi aniqlandi va daliliy ashyolar Mirobod tumani 3-sonli IIB HPB xodimlari tomonidan dalolatnoma rasmiylashtirilib xolislar ishtirokida vaqtinchalik olib qo‘yildi.
Aniqlangan qoidabuzarlik yuzasidan to‘plangan hujjatlar qonunchilikda belgilangan tartibda chora ko‘rish uchun O‘zbekiston Respublikasi Raqamli texnologiyalar vazirligi huzuridagi Axborotlashtirish va telekommunikatsiyalar sohasida nazorat inspeksiyasining Toshkent shahar hududiy bo‘limiga yuborildi.
Tayyorladi: “EMMM” DUK 1-toifali muhandisi Yu.Kuryazov
