Davlatimiz Rahbari tomonidan kiritilgan “Raqamli O‘zbekiston – 2030” dasturi doirasida mamlakatimizning barcha hududlarini mobil aloqa va internet bilan to‘liq qamrab olish vazifalari topshirilgan. Ayniqsa xalqaro va respublika ahamiyatiga ega avtomobil yo‘llarda, turistik zonalarda aholi va turistlarni mobil aloqa, internet xizmatlari bilan ta’minlash, mobil qamrov hamda internet sifatini oshirish bugungi kundagi dolzarb vazifalardan biri hisoblanadi.
Shu maqsadda Qoraqalpog‘iston Respublikasi Elektromagnit moslashuv xizmati muhandislari tomonidan A‑380 “G‘uzor-Buxoro-Nukus-Beyneu” xalqaro avtomobil yo‘lining Nukus‑Qo‘ng‘irot qismida, respublika ahamiyatidagi avtomobil yo‘lining Qo‘ng‘irot‑Mo‘ynoq qismida, shuningdek turistik ahamiyatga ega Mo‘ynoq tumanida mobil aloqa qamrovi holatini aniqlash yuzasidan radiomonitoring tadbirlari olib borildi.
Radiomonitoring davomida ushbu hududlarda mobil internet va mobil aloqaning bugungi kundagi holati o‘rganildi. Radiomonitoring natijasida olingan ma’lumotlar tahlil qilinib, mobil aloqaning qamrovi bo‘yicha ma’lumotlar O‘zbekiston Respublikasi Raqamli texnologiyalar vazirligining Qoraqalpog‘iston Respublikasi hududiy sho‘basiga taqdim qilindi.
Qoraqalpog‘iston Respublikasi EMMX
1‑toifali muhandisi Kartbaev A.P.
