27 dekabr kuni O‘zbekiston prezidenti Shavkat Mirziyoyev Muhammad al-Xorazmiy nomidagi maktabda yoshlar bilan uchrashuv o‘tkazdi. Unda yoshlar hayotidagi muammolar, dolzarb vazifalar muhokama qilindi.
Uchrashuv davomida Shavkat Mirziyoyev Qoraqalpog‘iston Respublikasi va barcha viloyatlarda dasturiy mahsulotlar va axborot texnologiyalari – IT Parklari qurilishini ma'lum qilgan.
«Respublikaning barcha hududlarida yoshlarning startap loyihalarini rivojlantirishga qaratilgan IT parklar quriladi.
Har bir viloyat hokimi ITParklarni qurishga mas'ul bo‘ladi», – deb ta'kidladi Shavkat Mirziyoyev.
«Agar biz yoshlarning yangi startap loyihalarini jamiyat hayotiga tatbiq qila olsak, rivojlanish bo‘ladi. Bu dasturlarni amalga oshirsak, xatolarimiz kamroq bo‘ladi», – dedi Shavkat Mirziyoyev.
