Namangan viloyati EMMX jamoasida ma’naviy-ma’rifiy ishlar rejasiga asosan, O‘zbekiston Respublikasi Prezidentining 2023-yil 27-iyuldagi “O‘zbekiston Respublikasi davlat mustaqilligining 32 yillik bayramiga tayyorgarlik ko‘rish va uni ko‘tarinki ruhda o‘tkazish to‘g‘risida’’ gi PQ-241-sonli Qarorida keltirib o‘tilgan “Yangi hayot uchun, yangi O‘zbekiston uchun!’’ deb nomlangan bosh g‘oyani ilgari surish maqsadida ma’rifiy ruhdagi davra suhbati tashkil etildi.
O‘zbekiston Respublikasi mustaqilligining 32 yilligiga bag‘ishlangan qaroridan ko‘zlangan asosiy maqsad Vatanimiz mustaqilligini yanada mustahkamlash hamda yurtimizdagi barcha sohalarni takomillashtirish ko‘zda tutilgan bo‘lib, yurtimizdagi o‘zgarishlarni va mustaqillik eng ulug‘ ne’mat ekanligini yosh avlodga yetkazishni ham ko‘zda tutadi.
Davra suhbatida mustaqillikka erishish tarixi, mustaqillikdan keyingi yurtimizda amalga oshirilayotgan islohotlar va Yangi O‘zbekistonning bugungi taraqqiyot darajasi, Yangi O‘zbekistonda inson qadri aziz ekanligi haqida batafsil ma’lumotlar berib o‘tildi.
Tayyorladi: Namangan viloyati EMMX radiooperatori Tursunov O.B.
