“O‘zbekiston – 2030” strategiyasini “Atrof-muhitni asrash va yashil iqtisodiyot” yilida amalga oshirishga oid davlat dasturi to‘g‘risidagi Prezident Farmoni qabul qilingan. Unga ko‘ra, 2025-yilda mahallalarning ekologik qiyofasini yaxshilash, ko‘chalarda yashillik darajasini oshirish, ekologik jihatdan qulay va farovon yashash muhitini shakllantirish borasida rejalar belgilandi.
Ushbu rejalarning ijrosini ta’minlash maqsadida, 2025-yil 28-fevral hamda 1-mart kunlari Farg‘ona viloyati Elektromagnit moslashuv xizmati xodimlari ishtirokida Farg‘ona viloyati Farg‘ona shahar O‘zbekiston ko‘chasi hamda Qo‘shtepa tumani fermer xo‘jaligi hududlarida mevali va manzarali daraxt ekish ishlari tashkil etildi.
Loyihadan ko‘zlangan asosiy maqsad - “Yashil makon” tashabbusi barqarorligi va iqlimga chidamliligini ta’minlashda ko‘chalarimizga bir tupdan mevali va manzarali daraxt ko‘chatlarini ekib, butun mamlakatimiz bog‘u-bo‘stonga aylanishida o‘z hissamizni qo‘shishdir.
Tayyorladi: Farg‘ona viloyati EMMX 2-toifali muhandisi A.Karimov
