2025-yil 3-noyabr kuni Fargʻona viloyati Elektromagnit moslashuv xizmatida ma’naviy-ma’rifiy ishlar samaradorligini oshirish maqsadida “Davlat tili” mavzusida davra suhbati oʻtkazildi. Ushbu davra suhbatida Fargʻona Davlat universiteti Filologiya fanlari doktori, dotsent X.X.Dusmatov, doktor O.X.Barziyev, A.M.Rasulova, M.M.Burxanova, M.M.Xomidov hamda Elektromagnit moslashuv xizmati xodimlari ishtirok etishdi.
Tilni sevish va e’zozlash – bu millatni sevish va uni qadrlash bilan barobardir. Har bir xalqning turmush tarzi, urf – odatlari, qadriyatlari hamda madaniyati, avvalo, uning tilida o‘z ifodasini topadi. “Til – millat ko‘zgusi”, deb bejiz aytilmagan. Zero, xalqimizning boy va qadimiy madaniyati ham o‘zbek tili – ona tilimizning ta’siri ostida shakllangan. Shuning uchun ham til millat ma’naviyatining muqaddas ko‘zgusi hisoblanadi-deya ta’kidladi filologiya fanlari doktori, dotsent X.X.Dusmatov.
Tadbirning asosiy maqsadi – davlat tilining jamiyat hayotidagi o‘rni va ahamiyatini keng jamoatchilikka tushuntirish, ona tilimizga bo‘lgan hurmat va e’tiborni yanada mustahkamlashdan iborat edi.
Tayyorladi: Fargʻona viloyati EMMX muhandisi S.Sh.Muydinov
