Shu yilning yanvar, fevral oylarida Surxondaryo viloyati EMM xizmati, Surxondaryo viloyati Ichki Ishlar Boshqarmasi va “O‘zkomnazorat” inspeksiyasining Surxondaryo viloyati hududiy sho‘basi xodimlari bilan respublikamiz hududida foydalanishga ruxsat etilmaydigan radioelektron vositalarni aniqlash bo‘yicha tezkor tadbir ishlari amalga oshirildi.
Surxondaryo viloyati Termiz shahri, Angor tumani va Qiziriq tumanlaridagi yoqilg‘i quyish shahobchasi va maishiy xizmat ko‘rsatish joylarida jami 18 dona noqonuniy ishlovchi radioelektron vositalar aniqlandi. Radioelektron vositalar egalariga efirda radioxalaqitlar hosil qilayotganligini va radiochastota spektridan noqonuniy ravishda foydalanayotganligi haqida tushuntirildi. Ushbu radioelektron vositalar qonunga muvofiq ravishda foydalanishdan to‘xtatildi hamda ushbu qurilmalardan foydalanmaslik bo‘yicha tushuntirish ishlari olib borildi va tegishli ogohlantirish xatlari taqdim qilindi.
Surxondaryo viloyati Elektromagnit moslashuv xizmati
2-toifali tarmoq muhandisi Islamov J.X.
