2021-yil 6-10-dekabr kunlari Aloqa sohasida hududiy hamdo‘stlikning Komissiyasi (ASHH) va uning ishchi guruhlarining yo‘ldoshli orbitalar va radiochastota spektridan foydalanishni tartibga solish bo‘yicha qo‘shma XX yigʻilishi gibrid shaklida (onlayn va oflayn) o'tkazildi.
Tadbirda Hududiy aloqa hamdo‘stligiga a’zo davlatlar: Ozarbayjon Respublikasi, Armaniston Respublikasi, Belarus Respublikasi, Qozog‘iston Respublikasi, Qirg‘iziston Respublikasi, Moldova Respublikasi, Rossiya Federatsiyasi, Tojikiston Respublikasi, Turkmaniston, hamda O‘zbekiston Respublikasi Aloqa ma’muriyatlarining 150 dan ortiq vakillari ishtirok etdi.
ASHH Komissiyasining majlisini Belarus Respublikasi aloqa va axborotlashtirish vazirining birinchi o‘rinbosari Pavel Nikolayevich Tkach, ASHH Ijroiya qo‘mitasi bosh direktori Nurudin Nasretdinovich Muxitdinov, RCHS va yo‘ldoshli orbitalar bo‘yicha ASHH Komissiyasi raisi Valeriy Butenko ochdi.
Komissiya va ishchi guruhlar yig‘ilishida ko‘plab masalalar ko‘rib chiqildi, ulardan asosiylari: 2023-yilda bo‘lib o‘tadigan Butunjahon radioaloqa konferensiyasi va radioaloqa assambleyasiga tayyorgarlik ko‘rish; ASHH ishtirokchilari mamlakatlarida raqamli ovoz va yer usti eshittirishlarini almashish, amalga oshirish; ASHHga a'zo mamlakatlarning chastotalarni taqsimlashning umumiy jadvali, shuningdek, 5G-NR / IMT-2020 tizimlarini joriy etish.
P.I. Rihsibaev
